ياريتني طير .....عارف البديوي
ياريتني طير .....
لاطير حواليك
واخلي عيوني تدور حواليك
واجعل روحي ملك ايديك
واحملك عاجنحي
واطير بيك ببلاد الدنيا
بسماها وارضها
ومابخلي غيري يقرب ليك
ولايبص اي بصة لعنيك
اخبيك تحت جناحي
من شدة خوفي عليك
وأفسحك واوريك خلق الله
وعباده في كل مكان
واركبك فوق جناحي
واحلق بيك واعلي فوق
ماحدي يطول يلمس خديك
ويبقوا كلهم يبصوا فوق
يشوفوا الملاك معايا فوق
ويحسدوني ويغاروا مني
لاني بتفسح
مع احلا ملاك من حواء
ويتنهدوا ويتحسروا
لأنهم مش طايلينك
لاتحت ولافوق
الكون كله يبقى لينا
انا وانت لوحدينا
نعيش قصة حبنا
وتبقى كل المسافات لينا
ونحط رحالنا فوق الأغصان
واغيظ بيك ورد البستان
ونسرق عطر الريحان
ونقطف ورد وياسمين كمان
ياحبيبي ياخفق قلبي ونبضاته
انا وعمري وروحي كلي ليك
٢٠ اكتوبر ٢٠٢٠
عارف البديوي
تعليقات
إرسال تعليق